चितवन, माघ २ 

ताोकिएकै मितिमा संबिधान निर्माणको माग गर्दै प्रेस चौतारी चितवनले स्थानिय प्रशासन मार्फत सभाध्यक्ष र सभासदहरुलाई खवरदारी पत्र पठाएको छ । आज प्रशासन कार्यालयमा चौतारी चितवनका अध्यक्ष तीर्थ नेपालले प्रशासकिय अधिकृत शेषकान्त पौडेललाई खवरदारी पत्र हस्तान्तरण गर्नुभयो । पत्रमा माघ ८ मा संबिधान जारी गर्ने अवस्था टर्दै गएकाले जनताको अभिमतलाई सम्मान गर्दै तोकिएको मितिमा काम सम्पन्न गर्ने दिशामा संविधान सभा अघि बढ्नुपर्नेमा जोडदिइएको छ । दिनरात नभनी छलफलमा जुटेर जनभावनाको कदर गर्न भन्दै प्रेस चौतारीले खवरदारी पत्र संगै दाल, चामल, तेल, नुन र बेसार पनि पठाएको छ । सांकेतिक रुपमा दवाव सिर्जना गर्न पनि खाद्यान्न पठाइएको अध्यक्ष नेपालले जानकारी दिनुभयो । सो क्रममा पत्रकारहरुले प्रशासनमा एक घण्टा धर्ना समेत दिएका थिए । कार्यक्रमलाई संवोधन गर्दै नेपाल पत्रकार महासंघ चितवनका अध्यक्ष हरिप्रसाद पोख्रेलले संबिधान निर्माणका लागि अव सवैले दवाव दिनुपर्ने बेला आएको बताउनुभयो । कार्यक्रममा प्रेस चौतारी नारायणी अञ्चल अध्यक्ष तीलकराम रिमालले जनताको भविष्य संग जोडिएकाले संविधान निर्माणमा बिलम्व गर्न नहुनेमा जोड दिनुभयो । धर्नामा जिल्लाका ३ दर्जन पत्रकार र मानवअधिकारकर्मी सहभागी थिए ।

पुस २० – बलिउड अभिनेता सलमान खानको घर अगाडि तमिल संगठनले प्रदर्शन गरेका छन् । तमिल संगठनले आइतबार सलमानको मुम्बइमा रहेको ग्यालेक्सी अपार्टमेन्टको बाहिर प्रदर्शन गरेका हुन् । उनीहरुले सलमानले श्रीलंकामा गएर राष्ट्रपति महिन्दा राजपाक्षेको पक्षमा चुनाव प्रचार प्रसार गरेको विरोधमा प्रदर्शन गरेका हुन् । सलमान केही दिनअघि अभिनेत्री ज्याकलिन फर्नान्डेजसँगै राजपाक्षेको चुनाव प्रचारका लागि श्रीलंका गएका थिए । श्रीलंकामा यही जनवरी ८ मा राष्ट्रपति निर्वाचन हुँदैछ । डिएमके पार्टीका प्रवक्ता टिकेएस इलांगोवनले सलमानलाई कसाईको संज्ञा पनि दिनुभयो । श्रीलंकामा भारतीयप्रति राम्रो व्यवहार नभएको र भारतकै अभिनेता गएर चुनाव प्रचार गर्नु कसाई बराबर भएको इलांगोवनले बताए ।

प्रदर्शनकारीलाई प्रहरीले पक्राउ गरेको छ भने सलमानको घर वरपर सुरक्षा बढाइएको छ । प्रदर्शनकारीहरुले सलमानको कुनै पनि चलचित्र तमिलमा रिजिल गर्न नदिने बताएका छन् ।

कराची, १ माघ । 

पाकिस्तानमा गत महिना मात्र ल्याइएको मृत्युदण्डको कानुनपछि महिना दिनभित्रै १७ जनालाई मृत्युदण्ड दिइएको अधिकारीहरुले बताएका छन् । 

 

प्राप्त पछिल्लो समाचारमा जनाइएअनुसार पाकिस्तानमा बिहीबार मात्र पनि एकजनालाई झुन्ड्याएर मारिएको छ । सो दण्डपछि त्यहाँ यस्तो कारबाही पाउने व्यक्तिको सङ्ख्या १७ पुगेको हो । 

 

त्यहाँ गत मङ्गलबार मात्र सातजनालाई मृत्युदण्ड दिइएको थियो । आतङ्कवादी क्रियाकलापमा संलग्न रहेको मुद्दा खेपिरहेका ती सातजनालाई मङ्गलबार मृत्युदण्ड दिइएको बताइएको छ । 

 

बिहीबार यो झुन्ड्याएर मृत्युदण्ड दिइएका व्यक्ति पनि आतङ्ककारी क्रियाकलापमा संलग्न रहेको आरोपमा मुद्दा खेपिरहेका अधिकारीले जनाएका छन् । योसहित पाकिस्तानमा गएको महिनादिनमा मात्र मृत्युदण्ड दिइएको व्यक्तिको सङ्ख्या १७ पुगेको समाचारमा उल्लेख गरिएको छ । 

 

गएको डिसेम्बर १६ मा पाकिस्तानको पेसावरमा रहेको एक सैनिक विद्यालयमा पाकिस्तानी तालिवानहरूले आक्रमण गरी १३४ जना साना बालबालिकासहित १५० जनाको हत्या गरेको घटनापछि त्यहाँको सरकारले मृत्युदण्डसम्बन्धी कानुन पुनः ल्याइएको हो । 

 

पाकिस्तानमा गएको छ वर्षदेखि प्रतिबन्ध लगाइएको मृत्युदण्डको कानुन गत महिनादेखि पुनः पाकिस्तानी प्रधानमन्त्री शरिफले खुला गर्नुभएको बताइएको हो । 

 

विद्यालयमा अध्ययनरत बालबालिकामाथि नै यो जघन्य अपराध गरेपछि पाकिस्तान सरकारले यस्ता आतङ्कवादी क्रियाकलापमा संलग्न हुने व्यक्तिलाई मृत्युदण्डको सजाय दिइने गरी कानुनमा संशोधन गरेको हो । 

 

पाकिस्तानमा प्रतिबन्धित एक आतङ्कवादी सङ्गठन लस्कार एक जाङ्भीसँग आवद्ध मोहम्मद सइदलाई बिहीबार पाकिस्तानको कराचीमा रहेको केन्द्रीय जेलमा झुन्ड्याएर मारिएको नाम नबताउने सर्तमा एकजना अधिकारीले बताएका छन् । रासस/एएफपी

पुस २९ ।

भारतको उत्तरप्रदेशमा विषाक्त रक्सी सेवन गर्दा १४ जनाको ज्यान गएको छ । एकसय भन्दा धेरै विरामी भएका छन् । लखनउको छिमेकी जिल्ला उन्नावमा विषाक्त रक्सी खाँदा यस्तो घटना भएको हो । भारतीय सञ्चार माध्यमका अनुसार ज्यान गुमाउनेको संख्या बढ्न सक्ने अुमान गरिएको छ । विषाक्त रक्सीको कारोबार भैरहँदा पनि लापरबाही गरेको भन्दै त्यहाँको सरकारले भन्सार विभागका १३ जना कर्मचारीलाई निलम्बन गरेको छ भने भन्सार प्रमुखलाई कार्वाही गर्न सिफारिस गरेको छ ।

माघ १ 

अमेरिकाको टेक्सास राज्यमा कैदी बोकेको बस र रेल ठोक्किँदा १० जनाको ज्यान गएको छ । बस अनियन्त्रित भई रेलसंग ठोक्किएको बिबिसीले जनाएको छ । बसमा १२ जना कैदी र ३ प्रहरी सवार थिए ।  दुर्घटनामा घाइते भएका  ५ जनाको   स्थानिय अस्पतालमा उपचार भैरहेको त्यहाँका अधिकारीहरुले बताएका छन् ।